Monday, August 19, 2013

സ്വപ്നസുന്ദരമാണീ പ്രാഗ്....part- 1

 ലണ്ടൻ എന്ന മഹാ നഗരത്തിന്റെ തിരക്കുകളിൽ നിന്ന് ബെർലിൻ എന്ന സ്വപ്ന ഭൂമിയിൽ  വന്നെങ്കിലും എവിടെയും പോകാൻ ഒഴിവു കിട്ടിയിരുന്നില്ല. ലണ്ടൻ ഞാൻ ഒരിക്കലും സ്വപ്നം പോലും കാണാത്ത അത്ര സുന്ദരം ആണ്, പക്ഷെ ഒരു സഞ്ചാരി എന്ന നിലയിൽ  ഞാൻ എവിടെയും സഞ്ചരിച്ചിട്ടില്ല. നമ്മുടെ തൃശൂർ കൂടെയോ ഗോവയിലൊ  നടക്കുന്ന ഒരു പ്രതീതി എപ്പോഴും , അതിനു കാരണങ്ങൾ രണ്ടാണ്, ഒന്ന് മുറ്റത്തെ മുല്ലക്ക് മണമില്ല, രണ്ടു,....അത് പിന്നെ പറയാം..

അപ്പൊ പറഞ്ഞു വന്നത് വളച്ചു കെട്ടാതെ പറയാം.. ബെര്ളിനിലെ കാര്യപരിപാടികളിൽ നിന്ന് ഒരു ചെറിയ ഇടവേള ലഭിച്ചപ്പോൾ ഞാൻ ആദ്യം ചിന്തിച്ചത് ഒരു യാത്ര പോകുന്നതിനെ പറ്റിയാണ്. അങ്ങനെയാണ് ഞാൻ ജർമ്മനിയിലുള്ള മറ്റു നഗരങ്ങളൽ , അടുത്തുള്ള രാജ്യങ്ങളൽ  എന്നിങ്ങനെ എത്തിപ്പെടാൻ കഴിയാവുന്ന എല്ലാ സ്ഥലങ്ങളെ  പറ്റിയും നമ്മുടെ ഗൂഗിൾ അമ്മച്ചിയോട്‌ ചോദിക്കുന്നത്. അങ്ങനെ തപ്പി തപ്പി ആകെ ആശയക്കുഴപ്പത്തിൽ ഇരിക്കുന്ന നേരത്താണ് എന്റെ ഒരു സീനിയർ മായചേച്ചിയും ഭർത്താവ് ജെസിനും കൂടി പണ്ട് ഹണിമൂണ്‍ പോയ സ്ഥലത്തിന്റെ ചിത്രങ്ങൾ ആകസ്മികമായി നമ്മുടെ മുഖപുസ്തകം, അതേന്നേ..നമ്മുടെ ഫേസ്ബുക്ക്‌ ഏറെ മുന്പിലേക്കു വാരി വിതറിയത്. പ്രാഗ്...വശ്യ സുന്ദരമായ പ്രാഹ....പണ്ട് ഈ ചിത്രങ്ങൾ ആദ്യമായി കണ്ടപ്പോൾ മനസ്സില് ഒരായിരം വര്ണ ചിത്രങ്ങൾ നെയ്തതാണ്. അന്ന് പ്രാഗ് കാണണം എന്നതൊരു ആഗ്രഹം ആയിരുന്നില്ല, ഒരു അത്യാഗ്രഹം ആയിരുന്നു. ഒട്ടകാലണക്കാരന്റെ കീശയിൽ എന്ത് കാണാൻ? സബ്രോം കാ സിന്ദഗി...എന്തോ? അയ്യോ തെറി പറയണ്ട നിർത്തി.
അങ്ങനെ നേരെ വച്ച് പിടിച്ചു പ്രാഗിലേക്ക്. സ്ടുടെന്റ്സ് ഏജൻസി വഴി വളരെ കുറഞ്ഞ വിലക്ക് ടിക്കെടും കിട്ടി. പോകുന്നതിനു മുൻപേ ബ്ലോഗ്ഗർ പഥികൻ  എഴുതിയ പ്രാഗിലേക്ക്  എന്നയാത്രക്കുറിപ്പ്‌ വളരെ ആവേശത്തോടെ ആണ് വായിച്ചു തീര്ത്തത്. ഏറെ കുറെ ഞാനും കണ്ട കാഴ്ചകൾ സമാനമാണെങ്കിലും ആവര്ത്തന വിരസത ഒഴിവാക്കാൻ ശ്രമിക്കാം.

അങ്ങനെ ഒരു വെള്ളിയാഴ്ച വൈകുന്നേരം പ്രാഗിലെ ഫ്ലോറെൻസിൾ  ഉള്ള കോച്ച് സ്റ്റേഷനിൽ  എത്തിച്ചേര്ന്നു. റൂം ബുക്ക്‌ ചെയ്തത് എയർ പോർട്ട്‌നു അടുത്തുള്ള ഒരു ഹോട്ടലിൽ ആയതിനാൽ വെറുതെ സിറ്റിയിൽ ഒന്ന് വലം വച്ച് ഹോട്ടലിലേക്ക് വച്ച് പിടിച്ചു.



ഫ്ലോറെൻസ്നു അടുത്തുള്ള ഒരു കെട്ടിടത്തിൽ Dějiny – památky – lidé, എന്നെഴുതി വച്ചിരിക്കുന്നത് കണ്ടു . അതിന്റെ അർഥം "ചരിത്രം- ലോകകാഴ്ചകൾ- ജനങ്ങൽ" എന്നാണ്. അങ്ങനെ അവിടെ നിന്നും തിരിച്ചു ടൂറിസ്റ്റ് ഓഫീസിൽ എത്തി പണം മാറുവാനായി വരിയിൽ  നിന്നു. ഒരു യുറോ കൊടുത്താൽ 24 ക്രൌണ്‍ ആണ് കിട്ടുക. പിന്നെ ജർമ്മനിയെ അപേക്ഷിച്ച് പ്രാഗിൽ ജീവിത ചിലവുകളും കുറവാണ്. 80 ക്രൌണ്‍ അല്ലെങ്കിൽ 3 യുറോ കൊടുത്താൽ  അത്യാവശ്യം നല്ല ഭക്ഷണവും ബിയറും കിട്ടും. അങ്ങനെ വരിയില നിൽക്കുമ്പോൾ അത്യാവശ്യം മാന്യനായ ഒരു വ്യക്തി വന്നു ഇവിടെ വിനിമയ നിരക്ക് വളരെ കുറവാണ് ഞാൻ വേണമെങ്കിൽ  നിങ്ങള്ക്ക് ഒരു യുറോക്ക് 35-40 ക്രൌണ്‍ തരാം എന്ന് പറഞ്ഞു. തട്ടിപ്പാണോ എന്ന ഒരു ചിന്ത ഒരു ഭാഗത്തും കൂടുതൽ പണം കിട്ടുമല്ലോ എന്ന ചിന്ത വേറെ വശത്തും നിന്നും കടിപിടി കൂടിയപ്പോൾ ഞാൻ ആകെ ആശയ കുഴപ്പത്തിൽ ആയി. പിന്നെ ആൾ വീണ്ടും നിര്ബന്ധിക്കുന്നത് കണ്ടപ്പോൾ ഒരു പന്തികേടു തോന്നി. പെട്ടെന്ന് രണ്ടു പോലീസ്കാര് ആ വഴിക്ക് വന്നപ്പോൾ അയാൾ അപ്രത്യക്ഷനായി. അപ്പൊ അത് തന്നെ കാര്യം. കള്ള നോട്ട് ആയിരിക്കണം. എന്തായാലും ഞാൻ ഒരു 200 യുറോ കൊടുത്തു നല്ല അസ്സൽ  ക്രൌണ്‍ തന്നെ വാങ്ങി.

 100 ക്രൌണ്‍ നോട്ട്

20 ക്രൌണ്‍ 
അങ്ങനെ ഹോട്ടലിൽ ചെന്ന് ഒന്ന് ഫ്രഷ്‌ ആയി രാത്രി 11 മണിയോടെ കുറച്ചു ദൂരെ ഉള്ള ഒരു പബിൽ പോയി ഭക്ഷണവും പ്രാഗിൽ നിര്മിച്ച ബിയറും കഴിച്ചു. തിരിച്ചെത്തിയപ്പോൾ സമയം രാത്രി 1 മണി. ബെഡ് കണ്ട ഉടനെ വെട്ടിയിട്ട പോലെ കിടക്കാം എന്ന് വിചാരിച്ചു റൂം തുറന്നു അകത്തു കയറി വാതിൽ  അടച്ച ഉടനെ ആരോ വന്നു കതകിൽ തട്ടി. വാതിൽ  തുറന്നു നോക്കിയപ്പോൾ ഒരു കറുത്ത കണ്ണടയും വച്ച് ഒരു അറുപതു വയസ്സുള്ള ചെറുപ്പക്കാരൻ. അടുത്ത റൂമിൽ  താമസിക്കുന്നതാണത്രേ, പരിചയപ്പെടാൻ വന്നതാ. സമയം രാത്രി ഒന്നര! (ഏതോ പഴയ നസീർ  സിനിമയിൽ ടൈപ്പ് റൈറ്റർ ജോലിക്ക് രാത്രി രണ്ടു മണിക്ക് വന്നു വീടിന്റെ കതകിൽ തട്ടി അപ്പൊ തന്നെ ജോലിക്ക് പ്രവേശിച്ചു ടൈപ്പ് ചെയ്യുന്നതു ഓര്മ വന്നു). എന്നാ ശെരി! പരിചയപ്പെടാം. കാനഡയിൽ നിന്ന് പ്രാഗിൽ വന്നു ഇംഗ്ലീഷ് പ്രൊഫസർ ആയി ജോലി ചെയ്യുന്ന ആൾ  ആണ്. പുള്ളി ചില നിർദേശങ്ങൾ തരാൻ വന്നതാണ്. വാതിൽ  ലോക്ക് ചെയ്യാതെ എങ്ങോട്ടും  പോകരുത്, കള്ളന്മാരുടെ ശല്യം ഉണ്ട് എന്നൊക്കെ . പിന്നെ പുള്ളി ഒരു മാപ്പും തന്നു(പാതിരാത്രി വന്നു എന്റെ  ഉറക്കം കളഞ്ഞത് അയാൾ, എന്നിട്ടെനിക്ക്‌ മാപ്പ് തരുന്നോ! ഇതതല്ല ..പ്രാഗിന്റെ മാപ്പ്). എന്തായാലും ആൾ നല്ല മര്യാദക്കാരൻ  ആണ്. അധിക നേരം ബുദ്ധിമുട്ടിച്ചില്ല. 

രാവിലെ നേരത്തെ എഴുന്നേറ്റു എയർ പോർട്ട്‌നു അടുത്തുള്ള സ്റ്റാൻഡിൽ നിന്ന് ബസ്‌ പിടിച്ചു മലോസ്ട്രാന്സ്കാ  (Malostranska) എന്ന സ്റ്റേഷനിൽ പോയി അവിടെ നിന്ന് ട്രാം  പിടിച്ചു പ്രാഗ് കാസിൽ  കാണാൻ പോയി. 

(എയർ പോർട്ടിനു സമീപത്തു നിന്നും മലോസ്ട്രന്സ്ക പോകുന്ന ബസ്‌) )

                           (പ്രാഗിനു പല ദേശങ്ങളിൽ പല പേരുകളാണ്. ജർമ്മനിക്കാർ  പ്രാഹ എന്ന് പറഞ്ഞാണ് കേട്ടിട്ടുള്ളത്).
(മാപ്പിൽ A . മലോസ്ട്രന്സ്ക, അവിടെ നിന്ന് prazky hrad  എന്ന ജങ്ക്ഷൻ വരെ ട്രാമിൽ.) 


                             മലോസ്ട്രന്സ്ക മെട്രോ സ്റ്റേഷൻ








                 (ചില പ്രാഗ് കാസിൽ ദൃശ്യങ്ങൾ)
ഗിന്നെസ് ബുക്കിൽ ലോകത്തിലെ ഏറ്റവും വലിയ പുരാതനമായ കൊട്ടാരം എന്ന ഖ്യാതി നേടിയിട്ടുള്ളതാണ്. ഈ കൊട്ടാരത്തിന്റെ നിര്മിതി ആദ്യമായി തുടങ്ങി വച്ചത് എ.ഡി. 870 ഇൽ  ആണ്. പിന്നീട് പല മാറ്റങ്ങളും വരുത്തിയിട്ടുണ്ടെങ്കിലും ഇന്ന് കാണുന്ന രീതിയിൽ മോഡി പിടിപ്പിച്ചത്  പതിനാലാം നൂറ്റാണ്ടിൽ ചാൾസ് നാലാമൻ ആണ്. പക്ഷെ പതിനാറാം നൂറ്റാണ്ടിൽ കൊട്ടാരത്തിന്റെ പല ഭാഗങ്ങളും കത്തി നശിച്ചു പോയി. 
                             (പ്രാഗ് കാസിലിനു  മുന്നിൽ  നിന്നുള്ള കാഴ്ച)


അങ്ങനെ പ്രാഗ് കാസിൽ സന്ദര്ശിച്ച ശേഷം സെന്റ്‌ നിക്കോളാസ് പള്ളി കാണാം എന്ന് കരുതി തെരുവിലൂടെ താഴോട്ട് നടന്നപ്പോൾ ചെക്ക്‌ റിപബ്ലിക്ലെ പ്രസിദ്ധമായ ട്രെഡെൽനിക്ക് എന്ന പലഹാരം ഉണ്ടാക്കി വില്ക്കുന്ന കട കണ്ടു. ഒന്നിന് 40 ക്രൌണ്‍ ആണ് വില. മോശമില്ല, ഒന്ന് വാങ്ങി കഴിച്ചു. മാവു കുഴച്ചു ഒരു ഇരുമ്പ് ദണ്ടിൽ ചുറ്റി പഞ്ചസാരയും വാൽനട്ട്, കപ്പലണ്ടി എന്നിവ പൊടിച്ചു ചേർത്ത് ഗ്രിൽ ചെയ്തു ഉണ്ടാക്കുന്നതാണ്. പ്രാഗിൽ വന്നാൽ തീര്ച്ചയായും രുചിച്ചു നോക്കെണ്ടുന്ന ഒരു വിഭവം.


(ട്രെഡൽനിക്ക്/ Trdelník/  Kürtőskalács) (name courtesy:Wikipedia) 
പതിനേഴാം നൂറ്റാണ്ടിൽ നിര്മിച്ച ഈ പള്ളി പ്രാഗ് കാസിലിന്റെ തൊട്ടടുത്താണ് സ്ഥിതി ചെയ്യുന്നത്. അവിടെ നിന്നും നേരെ പോയത് മലാസ്റ്റാനക്കടുത്തുള്ള വാല്ലസ്റ്റൈൻ കൊട്ടാരത്തിലെക്കാണ് . കൊട്ടാരത്തിന്  ചുറ്റും സുന്ദരമായ ഒരു പൂന്തോട്ടം ഉണ്ട്. പച്ച പുതച്ചു നില്ക്കുന്ന ചെടികളും, പല നിറങ്ങളിലുള്ള തുലിപ് പൂക്കളും, സുന്ദരമായ ശില്പങ്ങളും, പീലി വിടര്ത്തി ആടുന്ന മയിലുകളെ കൂടാതെ അപൂർവമായി മാത്രം കാണുന്ന വെള്ള മയിലുകളും...അങ്ങനെ എണ്ണിയാൽ ഒടുങ്ങാത്ത കാഴ്ചകളെ കൊണ്ട് മനം മയക്കുന്ന ഒരു പൂന്തോട്ടം. ഒരു പാട് നേരം അവിടെ ചിലവഴിച്ചു. 
പതിനാറാം നൂറ്റാണ്ടിൽ രൂപകല്പന ചെയ്ത ഈ കൊട്ടാരം Albrecht von Wallenstein എന്ന പ്രഭു ആണ് പണിയിച്ചത്(ref : wiki ). ഇവിടെ നിന്ന് നോക്കിയാൽ പ്രാഗ് കാസിലിന്റെ ഗോപുരം കാണാം. 








                                                വാല്ലസ്റ്റൈൻ കൊട്ടാര ദൃശ്യങ്ങൾ 


അങ്ങനെ അവിടെ നിന്നും നടന്നു ചാൾസ് ബ്രിഡ്ജിനു സമീപം എത്തി. വില്ടാവാ നദിക്കു കുറുകെ ചാൾസ് നാലാമൻ പതിമൂന്നാം നൂറ്റാണ്ടിൽ പണിതതാണ് ഈ പാലം. പഴമയുടെ പ്രൗഡി ഉയർത്തി ഈ പാലം പ്രാഗിലെ ഒരു പ്രധാന കാഴ്ചയാണ് . പാലത്തിൽ അങ്ങോളം ഇങ്ങോളം കാണുന്ന പ്രതിമകളും സദാസമയവും ഉത്സവ പ്രതീതി നിലനിരത്തുന്ന സംഗീത നൃത്ത കലാകാരന്മാരും ഈ പാലത്തിലേക്ക് ജനങ്ങളെ എപ്പോഴും  ആകര്ഷിച്ചുകൊണ്ടിരിക്കുന്നു. പാലത്തിന്റെ ഒരു വശത്ത് നിറയെ ചിത്രകാരൻമാരാണ്. കാരികേചെർ, ഗ്രൂപ്പ്‌ ചിത്രങ്ങൾ എന്നിവ അവർ നിമിഷ നേരങ്ങൾക്കുള്ളിൽ വരച്ചു കൊടുക്കുന്നു. വളരെ മിഴിവാര്ന്ന ചിത്രങ്ങൾ. 












                                                 (ചില ചാൾസ് ബ്രിഡ്ജ് കാഴ്ചകൾ )
ചാൾസ് ബ്രിഡ്ജ് കടന്നു വില്ടാവാ നദിയിലെ കാഴ്ചകൾ കണ്ടു നടക്കുമ്പോൾ അങ്ങകലെ ഒരു വളഞ്ഞു ചരിഞ്ഞു നിൽക്കുന്ന ഒരു കെട്ടിടം കണ്ടു, അടുത്തെത്തിയപ്പോൾ ആണ് പിടി കിട്ടിയത്, കുറെ അധികം കേട്ടിരിക്കുന്നു ഈ ഡാൻസിംഗ് കെട്ടിടതിനെപറ്റി . വളരെ അടുത്ത കാലത്ത് മാത്രം പണിത ഈ കെട്ടിടം അതിന്റെ ആകൃതിയുടെ പേരിൽ  പ്രശസ്തമായതാണത്രെ!.

                                                                                                                        (തുടരും...)

10 comments:

വീ കെ said...

നന്നായിരിക്കുന്നു കാഴ്ചകളും ചിത്രങ്ങളും. ചിത്രങ്ങളുടെ തെളിമ ഒരു പടി ഉയർന്നു നിൽക്കുന്നു. ഇനിയും വരാം.
ആശംസകൾ...

ബിലാത്തിപട്ടണം Muralee Mukundan said...

പ്രാഗിനെ പറ്റി പ്രകീർത്തിച്ച
ഈ അടിപോളി കുറിപ്പ് ക്ലാസ്സായിട്ട്ണ്ട്..ട്ടാ‍ാ ഗെഡി...

എന്നാലും ലണ്ടനിലുള്ളപ്പോൾ ഈ മണ്ടനുമായി ഒരു കലക്കൻ മീറ്റ് നമുക്ക് നടത്താൻ പറ്റാത്തത് നഷ്ട്ടായ്ട്ടാ‍ാ‍ാ‍ാ

തൃശൂര്‍കാരന്‍ ..... said...

പ്രിയപ്പെട്ട വീ കെ , ഇവിടെ വന്നതിനും കമന്റു ഇട്ടതിനും നന്ദി!

മുരളീ മുകുന്ദന്‍ ചേട്ടാ.. ബെര്‍ലിന്‍ പോയ മണ്ടന്‍ പല രാജ്യങ്ങളും ചുറ്റിക്കറങ്ങി തിരിച്ചു ലണ്ടനില്‍ വന്ന വിവരം സന്തോഷപൂര്‍വ്വം അറിയിച്ചു കൊള്ളുന്നു. എന്റെ നമ്പര്‍ 07738659059,
ലണ്ടനില്‍ എവിടെ ആണ്? സമയവും സന്ദര്‍ഭവും ഒത്തു വന്നാല്‍ കാണാം..
എന്ന്
സുജിത്

ശ്രീ said...

ചിത്രങ്ങളും വിവരണവും നന്നായിട്ടുണ്ട്. വീകെ മാഷ് പറഞ്ഞതു പോലെ നല്ല മികവുള്ള ചിത്രങ്ങള്‍ തന്നെ.

ആശംസകള്‍!

SREEJITH NP said...

പ്രാഗ കൊള്ളാമല്ലോ.
ചിത്രങ്ങള്‍ ഒക്കെ നല്ല ഭംഗിയുണ്ട്. വിവരണവും നന്നായി.
ക്യാബേജും ഇറച്ചിയും പച്ചകറികളും ചേര്‍ത്തു ഒരു പ്രത്യേക തരം ഭക്ഷണം ജെര്‍മനിയില്‍ കിട്ടും. വളരെ ഫൈമുസ് ആണ് അത്. ഞാന്‍ ആഫ്രികയില്‍ നിന്നാണ് കഴിച്ചിട്ടുള്ളത്‌ എന്നാലും അത് ജര്‍മ്മന്‍ സാധനം ആണെന്നാണ് അവര്‍ പറഞ്ഞത്.

arun bhaskaran said...

വിവരണം നന്നായിരിക്കുന്നു

deja vu said...

വളരെ നന്നായിരിക്കുന്നു.

aneesh kaathi said...

ഒരു കുളിര്‍മ....യാത്രകളാണ് ചരിത്രം അയ്യപന്‍ പറഞ്ഞത് ശരിതന്നെ.

Shahida Abdul Jaleel said...

ചിത്രങ്ങളും വിവരണവും നന്നായിട്ടുണ്ട്.ഇനിയും വരാം ആശംസകൾ...

കൊച്ചു ഗോവിന്ദൻ said...

നല്ല വിവരണം. കുറച്ചു പാതിരാപ്പടങ്ങൾ (രാത്രിയിൽ എടുത്ത ചിത്രങ്ങൾ എന്നും പറയാം) കൂടി ഉൾപ്പെടുത്താമായിരുന്നു. സാരല്യ. ആംസ്റ്റർഡാമിലെ രാത്രികൾ ആയാലും മതി!

Nilamazha...QR Code

qrcode

LinkWithin

Related Posts with Thumbnails